प्रम ओलीपाखें भारतयात मेगु दनक : ‘अयोध्या भारतय् मखु, नेपाल लाः’

येँ (नेपालभाषा टाइम्स) – भारतं बुद्धया जन्मभूमि लुम्बिनी भारतय् लाः धकाः दावी यानाच्वंगु इलय् प्रधानमन्त्री केपी शर्मा ओलीं रामया जन्मभूमि अयोध्या नेपालय् लाः धइगु न्हूगु दावी यानादीगु दु ।

खस नेपाली भाय्या आदिकवि भानुभक्त आचार्यया बुन्हिया लसताय् म्हिगः वालुवाटारय् जूगु छगू ज्याझ्वलय् न्ववासें प्रम ओलीं रामया जन्मभूमि अयोध्या नेपाःया वीरगञ्जय् च्वंगु ठोरी धइगु थासय् लाःगु दावी यानादीगु खः । अयोध्या नेपालय् हे लाःगु जुयाः राम धइम्ह भारतीय मखु, नेपाली हे खः धइगु दावी नं वय्कलं यानादिल । वय्कलं धयादिल, ‘झीसं झी म्ह्याय्मचा सीतायात भारतीययात बियागु हे मखु। अयोध्या धइगु नेपालय् लाः, उकिं राम नं नेपाली हे खः ।’

‘अयोध्या यदि आः धयातःगु भारतीइ भूमिइ लाःगु खःसा सीतायात व्याहा यायेगु लागिं राम गय् यानाः जनकपुर थ्यंकः वल ? फोन, मोबाइल छुं मदुगु उगु इलय् रामं सीताया ब्याहा जुइत्यंगु खँ गय् यानाः सीकल ?’ वय्कलं न्ह्यसः तयादिल ।

सम्बन्धित बुखँ

LEAVE YOUR COMMENTS