डा. तोसिमा विरुद्ध निर्वाचन आयोग नं अदालत वनीगु
येँ – यलया क्षेत्र नं. ३ या उम्मेदवार डा. तोसिमा कार्कीया उम्मेदवारी खारेज यायेगु धकाः निर्वाचन आयोगं याःगु निर्णय विरुद्ध सर्वोच्च अदालतं अन्तरिम आदेश बीवं निर्वाचन आयोग नं आः सर्वोच्च अदालत वनीगु जूगु दु । डा. कार्कीया उम्मेदवारी कायम या धकाः सर्वोच्चं आदेश जारी याःगु खःसा निर्वाचन आयोगं थ्व उम्मेदवारी खारेज हे यायेमाः धइगु माग यासें सर्वोच्चय् रिट तयेत्यंगु खः ।
निर्वाचन आयोगं डा. कार्की मेडिकल काउन्सिलय् लाभया पद कयाः च्वनाच्वंम्ह जूगुलिं वय्कःया उम्मेदवारी खारेज यायेगु निर्णय याःगु खः । उकिया विरुद्ध डा. कार्की सर्वोच्च वंगु खःसा सर्वोच्चं उम्मेदवारी खारेज मयायेगु अन्तरिम आदेश बिउगु खः । निर्वाचन आयोगं धाःसा थःपिंसं यानागु तर्क अदालतं भचा मथूगु खने दत धासें उगु अन्तरिम आदेश खारेज यायेमाः धकाः मेगु रिट तयेगु तयारी यानाच्वंगु खः ।
LEAVE YOUR COMMENTS