‘ख्वनावासीतय्त अन्याय जूगु दु’

येँ – आदिवासी जनजाति वकिलतय् पुचः लार्हुनिपया महासचिव शंकर लिम्बुं वर्तमान सरकारं ख्वनाया जनतायात अन्याय यानाच्वंगु खँ धयादीगु दु । ख्वनाय् वा पिउथाय् स्थानीयतय् समर्थन यायेत झाया च्वनादीम्ह वय्कलं धयादीगु दु, ‘वर्तमान सरकारं ख्वनाया जनतायात अन्याय यानाच्वंगु दु, स्थानीय जनतां न्यायया निंतिं याःगु आन्दोलनय् ब्वति कायेत जि वयागु खः ।’

वय्कलं ‘नेपालभाषा टाइम्स’ लिसे खँ ल्हायेगु झ्वलय् सरकारं स्वनिगःया आदिवासीयात विस्थापित यायेगु आज्जु कथं हे फास्ट ट्रायक लगायतया थीथी परियोजना सञ्चालन यायेत स्वयाच्वंगु धासें स्थानीय जनताया सहमति अःखः फास्ट ट्रायक दयेके गु पाय्छि मजूगु खँ धयादिल । थौंया जनताया उपस्थिति गथे ताल धकाः न्यनागु न्ह्यसलय् वय्कलं आदिवासी जनजाति थुकथं आन्दोलनयात तच्वये काः यंकेगु खःसा आदिवासी अधिकार कायेत ताः लाइगु बिचाः प्वंकादिल ।

‘विकास धइगु सतक जक मखु, थनया संस्कृति, सम्पदा नं विकास खः’ धासें वय्कलं संस्कृति सम्पदायात न्हंकाः विकास यायेगु धइगु आदिवासीपिंत उगु थासं विस्थापित यायेगु खः धयागु बिचाः नं प्वकादीगु दु ।

सम्बन्धित बुखँ

LEAVE YOUR COMMENTS