ने. सं. ११४६ अनलाथ्व दशमी -

थनिंनिसें एसईई, ५ लाख १६ हजार परीक्षार्थी

येँ (नेपालभाषा टाइम्स)- थुगुसीया एसइई परीक्षा थनिंनिसें न्ह्याःगु दु । थौं सुथय् ८ बजे देय्न्यंकं छक्वलं थ्व परीक्षा न्ह्याइगु खँ राष्ट्रिय परीक्षा बोर्डं धाःगु दु । परीक्षा शान्तिपूर्ण, मर्यादित व व्यवस्थित रुपय् क्वचायेकेत सकसितं बोर्डं इनाप नं याःगु दु । थुगुसीया एसईई परीक्षाय् ५ लाख १६ हजार ५९१ म्हेस्यां जाँच बियाच्वंगु दु । उकी मध्ये दकलय् अप्वः बागमति प्रदेश १ लाख ६ हजार ९५९ म्हेस्यां जाँच बियाच्वंगु दु । दकलय् म्हो कर्णाली प्रदेशय् ४१ हजार ३२९ म्हेस्यां जाँच बियाच्वंगु दु ।