थनिनिसें छु छु चालि, छु छु चायेके दइमखु

येँ – सरकारया बुधवाः च्वंगु मन्त्रिपरिषदया बैठकं थनिनिसें लकडाउन ह्वालुकेगु निर्णय याःगु दु । उच्चस्तरीय समन्वय समितिया प्रस्ताव कथं स्वंगु चरणय् लकडाउन चायेके त्यंगु खः । थुकि न्हापांगु चरण २१ न्हुया जुइसा निगूगु चरण १५ न्हुया व स्वंगूगु चरण १५ न्हूया जुइ । थ्व ल्याखं पूवंक लकडाउन चायेकेत ५१ न्हु अझं पिइमालितिनि । थुकी नं दथुइ काराेना संक्रमण अप्वल धाःसा लकडाउन हाकनं कडा यायेफइ ।

न्हापांगु चरणय् कन्हय् निसें क्वय् न्ह्यथना कथं चायेके दइ ।

१) स्वास्थ्य सेवालिसे सम्बन्धित फुक्कं सेवा, निजी क्लिनिक तकं

२) वासः, खाद्य तथा पेयपदार्थ, तरकारी, फलफूल, दुग्धपदार्थ, ख्येँ, न्या, ला, लः उत्पादन, बिक्रीवितरण व ढुवानी

३) पेट्रोलियम पदार्थया ढुवानी व बिक्रीवितरण

४) फोहोरमैला व्यवस्थापन

५) विद्युत, दमकल, एम्बुलेन्स, सञ्चार तथा प्रसारण, हुलाक सेवा

६) बैंक, वित्तीय संस्था, सहकारी व बिमा सेवा

७) फुक्क कथंया कृषि व पशुपन्छी लहीगुसम्बन्धी ज्या

८) कृषि बीउ बिजन, रासायनिक मल, कृषि औजार व शीतभण्डारसम्बन्धी सेवा व ज्या

९) उत्पादनशील उद्योग

१०) निर्माण सामग्रीसम्बन्धी उद्योग व्यवसाय

११) विकास आयोजना (निजी क्षेत्रं  प्रवर्द्धितनं)

१२) निर्माण कार्य (निजी नं)

१३) खुसि व खानीजन्य पदार्थ उत्खनन्, संकलन, ढुवानी व बिक्रीवितरण

१४) रेस्टुरेन्टं प्याकिङ व टेकअवे सेवा

१५) क्वारेन्टिनया लागि तोकेे यानातःगु होटल

१६) बिजुलीया सामान बिक्री व मर्मत

१७) विद्युतीय उपकरण, मेसिनरी व सवारी साधन मर्मत याइगु वर्कशप

१८) सफू पसः व स्टेसनरी

१९) फुक्क कथंया ढुवानी सेवा

२०) अत्यावश्यक सेवाया कार्यालय

२१) मेमेगु सरकारी कार्यालय, गैरसरकारी व निजी क्षेत्र कार्यालय व बैंक तथा वित्तीय संस्था (सामान्यतया ५० प्रतिशत कर्मचारी जक च्वनाः)

थुपिं सेवा व ज्याय् लकडाउन जारी जुइ

१) शैक्षिक संस्था (विद्यालय, कलेज, ट्युसन सेन्टर, तालिम केन्द्र)

२) सपिङ मल, डिपार्टमेन्ट स्टोर (खाद्यपदार्थबाहेक)

३) सिनेमा हल, पार्टी प्यालेस, डान्स बार व फुक्क कथंया मनाेरञ्जन स्थल

४) अनुमतिप्राप्त बाहेकया अन्तर्राष्ट्रिय तथा आन्तरिक उडान

५) तोके यानातःगु बाहेकका अन्तर्राष्ट्रिय सीमानाकां  जुइगु आवतजावत

६) फुक्क कथंया महोत्सव, जात्रा, मेला, सभा, सम्मेलन, प्रदर्शन

७) २५ म्ह स्वयां अप्वः सहभागी दइगु बैठक, गोष्ठी, तालिम, सेमिनार

८) फुक्क कथंया धार्मिक व सामाजिक स्थल

९) स्विमिङ पुल, जिमखाना, साउना, स्टिम लगायत हेल्थ क्लब, मसाज सेन्टर, सैलुन, ब्युटी पार्लर

१०) खेलकुद प्रतियोगिता व खेल मैदानय् जुइगु प्रस्तुति

११) न्हापांगु चरणय् चायेकेगु धाःगु बाहेक मेगु फुक्क सवारी साधन

१२) बहनी ९ बजेनिसें सुथय् ५ बजेतक एम्बुलेन्स, दमकल, शववाहन व ढुवानीबाहेक फुक्क कथंया आवागमन।

नेपालभाषा टाइम्स

च्वमिया मेमेगु

• भाषासेवी विष्णु चित्रकार मंत, कन्हय् जगतसुन्दर ब्वनेकुथिइ अन्तिम श्रद्धाञ्जलीया निंतिं तइगु
• कुमारी छेँया त्वरं पुनर्स्थापना (भिडियाे रिपाेर्ट)
• बोस्टनय् सक्वया सम्पदाया चित्रकला ब्वज्या
• एनपीपीएया नायः पदय् शान्ति श्रेष्ठ
• समाजसेवी दिलबहादुर मानन्धर मंत