नेपालय् थप २७८म्हेसित कोरोनाया संक्रमण

येँ – नेपालय् थौं थप २ सय ७८म्हेसित कोरोनाया संक्रमण जूगु दु । संक्रमण जूपिं मध्ये २ सय ६७म्ह मिजंत खःसा ११म्ह मिसात खः ।

स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं येँया राष्ट्रिय जनस्वास्थ्य प्रयोगशालाय् याःगु परीक्षणय् थप ७४म्हेसित संक्रमण जूगु दु । उकी मध्ये कपिलवस्तुया ४४म्ह, मोहतरीया १७म्ह, रौतहटया ६म्ह, धनुषाय् ४म्ह व बाराय् १म्ह दु । अथेहे येँया अस्पतालय् वासः याकाच्वंपिं गुल्मी व कास्कीया छम्ह-छम्हेसित नं संक्रमण जूगु दु ।

कर्णाली स्वास्थ्य विज्ञान प्रतिष्ठानय् याःगु परीक्षणय् ९७म्हेसित कोरोनाया संक्रमण खनेदुगु दु । अन दकलय् अप्व दैलेखया ९०म्हेसित संक्रमण जूगु खः । अथेहे देय्या थीथी थासय् जूगु मेगू परीक्षणय् थप १ सय ७ म्हेसित संक्रमण जूगु दु । थ्व नापं नेपालय् संक्रमण जूपिनि ल्याः २ हजार ९ सय १२म्ह थ्यंगु दु । थौं कास्की, गोरखा व हुम्लाय् नं संक्रमण खनेदुगु दु । थ्व नापं नेपाःया ६८गू जिल्लाय् कोरोनाया संक्रमण थ्यंगु दु ।

सम्बन्धित बुखँ

LEAVE YOUR COMMENTS