सर्वसम्मतं संविधान संशोधन पारित यायेत प्रमया इनाप

येँ – प्रधानमन्त्री केपी शर्मा ओलीं संघीय संसदय् दर्ता जुयाच्वंगु संविधान संशोधनया प्रस्तावयात सर्वसम्मतिं पारित यायेत संसदय् दुथ्याःगु राजनीतिक दलतय्त इनाप यानादीगु दु ।

प्रमानमन्त्री ओलीया इनापय् बालुवाटारय् च्वंगु सर्वदलीय मुँज्याय् नेपाःया अखण्डता व राष्ट्रिय एकताया विषयलय् छप्पँ जुयाः संविधान संशोधनया प्रस्ताव पारित यायेमाःगु बिचाः तयादीगु खः । वय्कलं संसदय् दुगु फुक्कं राजनीतिक दलतय्सं सर्वसम्मतं थ्व संशोधन पारित याःसा थुकीं बांलागु सन्देश वनीगु धयादिल ।

मुँज्याय् नेपाली कांग्रेसया सभापति शेरबहादुर देउवांं सीमा सम्बन्धी विषय व न्हूगु नक्साया मुद्दाय् थःगु पार्टी सरकार नाप दुगु प्रष्ट यानादिल ।  मुँज्याय् प्रधानमन्त्री तयादीगु प्रस्ताव सकारात्मक जूगु धासें थुकीया बारे पार्टीया केन्द्रीय मुँज्या च्वनाः निर्णय यायेगु खँ धायादिल ।

अथेहे मुँज्याय् जनता समाजवादी पार्टी नेपालया नेतातय्तसं थःपिंसं न्हापा निसें ल्ह्वनाच्वंगु संविधान संशोधनया मुद्दायात नं आः नक्सा सम्बन्धी संशोधन यायेगु इलय् हे दुथ्याकेत इनाप याःगु खः ।

सरकारं सार्वजनिक याःगु न्हूगु नक्सा कथं संविधानया अनुसूची–३य् दुगु निशान छाप संशोधन यायेगु निंतिं प्रधानमन्त्री ओलीं सर्वदलीय मुँज्याया आव्हान यानादीगु खः ।

सम्बन्धित बुखँ

LEAVE YOUR COMMENTS