ओलीं मुक्कं कम्युनिष्ट आन्दोलन विसर्जन यात

येँ – पुलांम्ह प्रधानमन्त्री लिसें नेकपा (एमाले)या वरिष्ठ नेता माधव नेपालं प्रम ओली नेतृत्वया सरकारयात कानुनी, राजनीतिक व सतक आन्दोलनं चीकाः कानुनी राज स्थापना यायेगु दायित्व आः थःपिनि ब्वहलय् वःगु खँ धयादीगु दु ।

म्हिगः सामाजिक सञ्जालपाखे छगू अपिल जारी यासें नेता नेपालं प्रम ओली नेपाःमि जनता, निष्ठावान नेता कार्यकर्ता, लोकतन्त्र, संविधान व मुक्कं कम्युनिष्ट आन्दोलनय् तःधंगु गद्दारी याःगु द्वपं नं बियादीगु दु ।

वय्कलं सोमवाः थः लगायत झिंछम्ह नेतातय्त पार्टीं याःगु कारबाहीया औचित्य मदु धासें प्रधानमन्त्रीया पलाखं नेपाःया कम्युनिष्ट आन्दोलनय् राष्ट्रघाती व प्रतिगमनकारी पुचःया प्रवेश जूगु खँ धयादीगु दु । लिसें वय्कलं प्रम ओली मुक्कं कम्युनिष्ट आन्दोलन विसर्जन याइम्ह पात्र कथं स्थापित याःगु खँ नं धयादीगु दु ।

उकथं हे प्रम ओलीं नितान्त व्यक्तिवादी सोच व स्वार्थ पूवंकेत सरकारया चरम दुरुपयोग याःगु द्वपं नं नेता नेपालं बियादीगु दु । वय्कःया विज्ञप्तिइ धयातःगु दु, ‘कम्युनिष्ट सरकार दुगु इलय् बिचौलिया, दलाल, माफिया व गुण्डाराज चले याइपिं उत्साहित जुइगु तर सर्वहारा वर्ग व आम नेपाःमि जनता अपहेलित जुइमाःगु ई वइगु दुःखद पक्ष खः ।’

सम्बन्धित बुखँ

LEAVE YOUR COMMENTS