नेता तामाङया स्मृति दिवसय् हिदान ज्याझ्वः

येँ (नेपालभाषा टाइम्स) – नेपाली कांग्रेसया नेता भिमबहादुर तामाङया च्याक्वःगु स्मृति दिवसय् विशेष हिदान ज्याझ्वः जुल । नेपाल यातायात मजदुर संघया ग्वसालय् जूगु हिदान ज्याझ्वः नेपाल स्वयंसेवी रक्तदाता समाज दोलखा व नेपाल रेडक्रस सोसाइटी जिल्ला शाखा दोलखाया समन्वयय् जूगु खः ।

नेपाली कांग्रेस दोलखा जिल्लाया परिसरय् दोलखा जिल्लाया प्रमुख जिल्ला अधिकारी रमेश शिवाकोटीया प्रमुख आतिथ्यताय् जूगु ज्याझ्वलय् विशिष्ट पाहां नेपाल स्वयंसेवी रक्तदाता समाजया केन्द्रीय अध्यक्षलिसें स्वयंसेवी शतक रक्तदाता पे्रमसागर कर्माचार्य १६४ क्वःखुसी हिदान यानादीगु खः ।

संघया अध्यक्ष कृष्ण खड्काया सभापतित्वय् जूगु हिदान ज्याझ्वलय् समाजया केन्द्रीय अध्यक्ष कर्माचार्यं हिदातातय्त दसिपौ लःल्हानादीगु खःसा नेरेसो दोलखाया सभापति गोकर्णप्रसाद पोखरेल, समाजया दोलखा जिल्ला अध्यक्ष श्याम गौतमया उपस्थिति दुगु खः ।

सम्बन्धित बुखँ

LEAVE YOUR COMMENTS