तीर्थरामयात बीसी मल्ल सिरपाः
येँ(नेपालभाषा टाइम्स)÷प्रा. बीसी मल्ल प्रतिष्ठानं नेवाः न्ह्यलुवालिसें पुलांम्ह राज्य मन्त्री तीर्थराम डंगोलयात प्रा. बीसी मल्ल सिरपाः लःल्हाःगु दु । म्हं मफयाः छेँय् हे आराम याना च्वनादीम्ह डंगोलयात वय्कःया छेँय् हे वनाः उगु सिरपाः लःल्हाःगु खः ।
वंगु बुधवाः प्रतिष्ठानया पदाधिकारी दुजःपिं वय्कःया छेँय् वनाः हनपौलिसें सिरपाः लःल्हाःगु खः। त्रिभुवन विश्वविद्यालयया पुलांम्ह उपकुलपति मल्लया नामं नीस्वनातःगु प्रतिष्ठानं वय्कःया हे नामय् पलिस्था यानातःगु सिरपाः थुगुसी नेपालय् प्रजातन्त्र प्राप्तिया आन्दोलय् डंगोलं बियादीगु योगदानया कदर यासें वय्कःयात लःल्हायेगु निर्णय याःगु खः ।
पिसाबसम्बन्धी ल्वय् प्रोस्टेटया ल्वचं म्हं मफयाच्वंम्ह पुलांम्ह राज्यमन्त्री थौंकन्हय थःगु हे छेँय् आराम याना च्वादीगु दु । छुं दिं न्ह्यः जक वय्कःया सुमेरु अस्पतालय् उपचार याःगु खः ।
LEAVE YOUR COMMENTS