काभ्रेय् नं कोरोना खनेदत, महोत्तरीइ थप छम्हेसित संक्रमण

येँ – शनिवाः न्हिनय् काभ्रे व महोत्तरीइ छम्ह-छम्हेसित कोरोना भाइरसया संक्रमण जूगु दु । स्वास्थ्य तथा जनसंख्या मन्त्रालयया प्रवक्ता डा. विकास देवकोटाया कथं काभ्रेया २६दँया मिजं व महोत्तरीया ५२दँया मिजंयात संक्रमण जूगु खः ।

काभ्रेय् संक्रमणया थ्व न्हापांगु घटना खःसा महोत्तरीइ संक्रमितत ३म्ह थ्यंगु दु । थ्व नापं नेपाःया २६गू जिल्लाय् कोरोनाया संक्रमण थ्यंगु दु । नेपालय् कोरोना संक्रमिततय् ल्याः २७८म्ह थ्यंगु दु ।