ने. सं. ११४६ अनलाथ्व पुन्हि -

रविभवनय् मोटरसाइकल दुर्घटनाय् छम्ह सित

येँ – येँया रविभवनय् थौं सुथय् मोटरसाइल दुर्घटना जुयाः छम्ह मनू सीगु दु ।

कलंकीं कालिकाटीपाखे वनाच्वंगु बा ७२ प ८१७२ नम्बरया मोटरसाइकल दुर्घटना जूगु खः । उगु मोटरसाइकल बा २१ च ४३४७ नम्बरया गाडी नाप ठक्कर नःगु खः । सुथय् ७:२५ बजे दुर्घटनाय् लानाः मोरङ बेलबारीया २३दँया टीकाराज गेलाल सीगु खः । दुर्घटना लिपा कंलकीया नेशनल अस्पतालय् यंकूगु खःसा अन वासः जुयाच्वंगु इलय् मोटरसाइकल चालक सीगु खः ।

मोटरसाइलक नाप ठक्कर नःगु गाडी नेपाली सेनाया लेफ्टिनेन्ट कर्नेल शेखर जबराया जूगु खँ सीदुगु दु । दुर्घटनाया बारे अनुसन्धान जुयाच्वंगु खँ प्रहरी धाःगु दु ।