एपीया कश्मीरी फोटो पत्रकारतय्त पुलित्जर सिरपा

येँ – कश्मीरया स्वम्ह फोटो पत्रकारतय्त थुगुसिया पुलित्जर सिरपा २०२० बिउगु दु । विश्वया नांजाःगु पुलित्जर सिरपा पाखें एजेन्सी एसोसिएटेड (एपी)नाप आबद्ध फोटोपत्रकारत यासीन डार, मुख्तार खान व चन्नी आनन्दयात लःल्हाःगु खः । वय्कःपिंत फिटर फोटोग्राफी विधाय् थुगु सिरपा बिउगु खः । यासिन व खान कश्मिरया श्रृनगरय् च्वना फोटो पत्रकारिता यानाच्वंगु खसाः आनन्द जम्मु जिल्लापाखें थःगु ज्या यानाच्वंगु खः ।

वंगु अगष्ट महिनाय् भारत सरकारं संविधानया धारा ३७० खारेज यासें अन धरपकड सुरु याःगु खः । भारत सरकारया उगु निर्णय लिपा अन व्यापक प्रदर्शन जूगु खःसा केन्द्र सरकारपाखें कर्फ्यू आदेश जारी यायेगु, टेलिफोन व इन्टरनेटया लाइन काटे यायेगु नापं व्यापक दमन याःगु खः । अज्याःगु परिस्थितिइ काःगु फोटातय् आधारय् स्वम्हेसित सिरपा बिउगु खः ।

पुलित्जरया बोर्ड प्रशासनिक डाना क्यनेडिं सोमवाः युट्युब लाइभ मार्फत सिरपाया घोषणा यानादीगु खः । क्यनेडिं पत्रकारिता ख्यःया झिंन्यागू, न्हय्गू सफू, नाटक व संगीत ख्यःया सिरपा घोषणा यानादीगु खः ।