वीरगञ्जय् थप छम्हेसित कोरोनाया संक्रमण

येँ – वीरगञ्जय् थप छम्ह मिजंयात कोरोनाया संक्रमण जूगु पुष्टि जूगु दु । वीरगञ्ज–३ छपकैया छेँ जुम्ह ३६दँया मिजंयात आइतवाः कोरोनाया संक्रमण जूगु खः । कोरोनाया लक्षण खनेदयेवं थः हे परीक्षण यायेगु निंतिं उम्ह मनूखं इनाप याःगु खः । वयाः इनाप कथं शुक्रवाः थ्रोट स्वाब संकलन याःगु खः । पीसीआर परीक्षण यायेग झ्वलय् संक्रमण पुष्टि जूगु खः । आः संक्रमितयात नारायणी उपक्षेत्रीय अस्पतालय् हःया आइसोलेशनय् तःगु दु । थ्व नापं नेपालय् संक्रमिततय् ल्याः ६०म्ह थ्यंगु दु ।