रुसय् छन्हुं हे १० हजार कोरोनाया संक्रमण

येँ – रुसय् छन्हुं ९ हजार ६ सय २३म्ह मनूतय्त कोरोना भाइरसया संक्रमण जूगु दु । छन्हुया दुने रुसय् दकलय् अप्व संक्रमित जूगु खः । छन्हु न्ह्यःया तथ्यांक कथं शनिवाः संत्रमित जूपिं २० प्रतिशतं अप्वःगु खः । थ्व नापं रुसय् आः छगू लख २४ हजार ५४म्हेसित संक्रिमण जुइधुंकूगु दु ।

अथेहे शनिवाः छन्हुया दुने हे कोरोनाया कारणं ५७म्ह मनूत सीगु दु । आः तक रुसय् १ हजार २ सय २२म्ह मनूत सीधुंकूगु दु । रुसय् संत्रमित नापं सीपिनि ल्याः अप्वयेवं सरकारयात थप दबाव लाःगु दु । थ्वहे ल्याखय् संक्रमितत अप्वइगु खःसा याकनं हे अस्पतालय् थाय्या अभाव जुइगु सम्भावना दु ।