बंगाली कालिगढतय्त राहत
यल– लकडाउन थप जुइवं यल सुनचाँदी व्यवसायी संघं भारतीय मूलया बंगाली कालिगढतय्त राहत बिउगु दु । लकडाउन ताःहाकः जुइवं नेपालय् च्वनाच्वंपिं बंगाली मूलया कालिगढतय् नये त्वने समस्या जुइवं थौं मंगलवाः हःखःया कोतपाटीइ कालिगढतय्त सःताः राहत बिउगु खः ।
संघया कार्यवाहक अध्यक्ष मोतिमान शाक्यया कथं निसःम्ह कालिगढतय्त म्हतिं ५ किलो जाकि, ३ किलो आटा, १ किलो दाल, १ पाकेट चि, १ किलो चिनी बिउगु खः ।
संकटया इलय् छेँय् नं वनेगु अवस्था मदुगुलिं संघं बिउगु राहतं थःपिं छुं ई ढुक्कं च्वनेफइगु खँ कालिगढतय्सं धाःगु दु ।
संघं आः निगूगु चरणया राहत नेपाली कालिगढतय्त बीगु खँ धाःगु दु ।
LEAVE YOUR COMMENTS