न्यूरोडया ३२ गू सहकारी बिसिउँ वन धाःगु हल्ला जक

येँ (नेपालभाषा टाइम्स)-येँ महानगरपालिका २२ वडा दुने लाःगु न्यूरोड लागां छक्वलं ३२ गू सहकारीत बिसिउँ वन धकाः पिहां वयाच्वंगु समाचार फय्गं जक जूगु खँ येँ मनपा २२ वडा कार्यालयं धाःगु दु ।

सामाजिक सञ्जालय् वडा कार्यालयपाखें छगू सुचं पित बिसें थ्व सम्बन्धी समाचार पिहां वयेवं वडापाखें अध्ययन याना स्वःबलय् बिसिउँ वन धकाः नां पिहां वःगु सहकारीत ताःई न्ह्यवंनिसें दर्ता नवीकरण तकं मयासे कारोवारय् मदुगु खँ धाःगु दु । उपिं ताःई न्ह्यव हे बन्द जुइधुंकूगु सहकारी जूगु कारणं आः तिनि बिसिउँ वंगु मखु धकाः नं वडां स्पष्ट याःगु दु ।

थौंकन्हय् सहकारीत छगूयां लिपा मेगु बिसिउँ वनाच्वंगु हे झ्वलय् न्यूरोड लागाया ३२ गू सहकारी छक्वलं बिसिउँ वन धइगु समाचार नं पिहां वःगु खः ।