‘कोरोना भाइरसया कारणं न्ये मखना भयावह अवस्थाय् वयेफुगु’

येँ – संयुक्त राष्ट्र संघया विश्व खाद्य कार्यक्रमं (डब्ल्यूएफपी) कोरोना भाइरसया कारणं विश्वन्यंक नये मखना भयावह अवस्था वयेफुगु खँ धाःगु दु ।

खाद्य कार्यक्रमया प्रमुख डेभिड ब्यासलें कोरोनाया महामारीं नये मखंपिं अप्वया आःया स्वयां निदुगं थ्यनेफुगु खँ धयादीगु दु । राष्ट्र संघया सुरक्षा परिषद्या मुँज्याय् वय्कलं विश्वन्यंक न्ये मखना महामारी जुइगु अवस्था वयेत्यंगुलिं सचेत जुइमाःगु धयादिल ।

‘कोरोना भाइरसया कारणं झी स्वास्थ्य क्षेत्रय् जक महामारीया सामना यानाच्वंगु मखु, थुकीं विश्वव्यापी मानवीय प्रकोप नं हयाच्वंगु दु ।’, ब्यासलें धयादिल ।

खाद्य कार्यक्रम लगायत मेमेगू संस्थां याःगु छगू अध्ययनया प्रतिवेदनय् नये मखनिपिनि ल्याः आः स्वयां निदुगं अप्वइगु खँ न्ह्यथनेवं थज्याःगु खँ पिहांवःगु खः । कोरोनाया कारणं थुगु दँय् २६ करोड मनूत अज्याःगु महामारीया शिकार जुइफइगु अनुमान खाद्य कार्यक्रमं याःगु खः । थ्वस्वयां न्ह्यः सन् २०१९य् थुकीया ल्याः १३ करोड दुगु खः ।

नेपालभाषा टाइम्स

च्वमिया मेमेगु

• थुकथं न्ह्यात बोडेया म्ये प्वाः खनीगु जात्रा
• बिस्काःया झ्वलय् थिमिइ ‘सुथसिया याः’ न्यायेकल
• छायादेवीया जग्गा पुखू प्रमाणित
• पाहाँचःह्रे क्वचाल
• ताेखाय् बिस्काःया निंतिं यःसिं थन