आसामय् १९ लाख मनूत राज्यविहिन

एजेन्सी – भारतया पूर्वउत्तर राज्य आसामय् १९ लाखं मल्याक मनूत छक्वलं राज्यविहिन जूगु दु। आसामय् शनिवाः सुथय् जारी याःगु राष्ट्रिय नागरिक रजिस्टर (एनआरसी)या अन्तिम सुचीइ १९ लाखं मल्याक मनूतय् नां दुमथ्यायेवं उपिं राज्यविहिन जूवंगु खः ।

थ्व धलखय् १९७१ मार्च २४ स्वयां न्ह्यव हे आसामय् वयाः च्वनाच्वंगु धयागु प्रमाणित जूपिं मनूतय् जक नां धलखय् दुथ्याकातःगु दु। थ्व न्हिया कन्हय् कुन्हु निसें बंगलादेशं
पाकिस्तानपाखें स्वतन्त्र जूगु घोषणा याःगु खः ।

आः जारी याःगु एनआरसीइ मुक्कं स्वंगू करोड ११ लाख मनूतय् जक नां दुथ्यानाच्वंगु दु। थुकी नां दुमथ्याःपिंस. १२० न्हु दुने अपिल यायेदइ । तर छु कारवाही जुइ
धयागु धाःसा अझं स्पष्ट मदुनि । भारतं अवैध बंगलादेशी आप्रवासी छुटे यायेत थ्व प्रक्रिया आवश्यक जूगु तर्क तयाच्वंगु दु ।

मेखे थ्व प्रक्रियां आसामया अल्पसंख्यक जातीय समुदाययात लक्षित याःगु द्वपं नं लानाच्वंगु दु। थ्वयां न्ह्यव नं विदेशी जूगु शंकाय् झिद्वलं मल्याक मनूतयत् ज्वनाः राज्यया जेलय् दयकातःगु अस्थायी शिविरय् तयातःगु दु । उमित तत्कालिन देश निकाला याइगु सम्भावना धाःसा मदुनि ।थुकी नां दुमथ्याःपिं दथुइ धाःसा आः त्रास ब्वलनाच्वंगु दु ।