राजीव कपुर मन्त

एजेन्सी- बलिउडया पुलांम्ह अभिनेता राजीव कपुर मंत । कपूर हृदयघाट जुयाः मदुगु खँ वया दाजु रणधीर कपूरं जानकारी बिउगु दु । राजीव कपूर भारतीय फिल्मया नांजाःम्ह कलाकार राज कपुरया चिधिकःम्ह काय् खःसा अभिनेता ऋषि कपुरया किजा खः । राज कपुरया स्वम्ह काय मध्ये आः रणधीर कपुर छम्ह जक दनि ।

५८ दँया राजीव राम तेरी गंगा मैली फिल्म पाखें हिन्दी फिल्म ख्यलय् पलाः तःम्ह खः । न्हापांगु फिल्म हिट जुइवं राजीव कपुर नं बलिउडय् लोकंह्वाःगु खःसां लिपा बांलाःगु फिल्म बीमफयेवं बुलुहुं अभिनय ख्यलं तापानावन । थ्व लिपा निर्देशन ख्यलय् वःम्ह राजीवं निर्देशन याःगु ऋषि कपुर व माधुरी दीक्षितं म्हितातःगु ‘प्रेमग्रन्थ’ सफल जूसां निर्देशन ख्यलय् नं राजीव उलि सक्रिय मजुल ।