कोरोना संक्रमितत ४२म्ह थ्यन, छन्हुं हे ११म्ह थप

येँ – नेपालय् कोरोना भाइरस (कोभिड-१९)पाखें संक्रमितय् ल्याः ४२म्ह थ्यंगु दु । थौं येँया राष्ट्रिय जनस्वास्थ्य प्रयोगशालाय् परीक्षण यायेगु झ्वलय् ३म्ह पोजेटिभ खनेदुगु खःसा धरानस्थित बीपी कोइराला स्वास्थ्य विज्ञान प्रतिष्ठानय् ८म्हेसिया रिपोर्ट पोजेटिभ वःगु खः ।

संक्रमित फुक्कं उदयपुर जिल्ला त्रियुगा नगरपालिकास्थित भुल्केय् च्वनाच्वंपिं खः । फुक्कसित आः विराटनगर स्थित कोशी अस्पतालय् वासः याकेगु निंतिं छ्वःगु दु ।

स्वास्थ्या तथा जनसंख्या मन्त्रालयं बिउगुु जानकारी कथं संक्रमितत १८, १८, २०, २२, ४०, ४१, ४१, ५२ व ५८दँया मिजंत खः । अथेहे ३६दँया मिसा व वर्ष सिमदुम्ह मिसा यानाः थौं ११म्ह न्हूपिं संक्रमित जूगु खः ।