मास्क मदयेक किपुली दुहां वने मदु

किपू – किपू नगरपालिकां मास्क मदयेक किपुली दुहां वने मदइगु अभियान न्ह्याकूगु दु । कोरोना भाइरसं बचे जुइगु नितिं किपू नगरपालिकां अनिवार्य मास्क तयेमाःगु जनचेतना थनेगु आज्जुं थ्व पलाः न्ह्याकूगु खः ।

म्हिगः अभियानया उलेज्या यासें किपू नपाया मेयर रमेश महर्जनं फुक्कं नागरिकयात कोरोनां बचे यायेत अनिवार्य मास्क तयेगु सचेतना ब्वलंकेत अभियान न्ह्याकागु खँ कनादिल । अप्वः भीडभाड जुइगु

थासय् वनेबलय् अनिवार्य मास्क उपलब्ध याकेत ‘मास्क बैंक’ तकं थापना यानागु जानकारी नं वय्कलं बियादिल ।
मेयर महर्जनं फुपिसं बीगु व मफुपिंत निःशुल्क रुपय् इनेत ‘मास्क बैंक’ थापना यानागु खँ धासें धयादिल, ‘किपूया हकय् मास्कया सुनिश्चितता शुभारम्भ यानागु दु, थुकियात निरन्तरता बियाः झीसं थनया

थीथी सार्वजनिक थाय्, ज्या यायेगु थासय् मास्क मतसें दुहां वने मदइगु अभियान न्ह्याकागु दु ।’
ज्याझ्वलय् युनिसेफ, लायन्स क्लब अफ काठमाडौं लगायत थीथी सामाजिक संघसंस्थां मास्क बैंकय् मास्क उपलब्ध याकूगु खः । उगु मास्क फुक्कं वडापाखें निःशुल्क इनेगु व्यवस्था यानागु खँ नगर–पालिकां धाःगु दु ।