न्यायाधीशतय् पुत्ला च्याकीगु

येँ – नेत्रविक्रम चन्द ‘विप्लव’ नेतृत्वया नेपाल कम्युनिष्ट पार्टीं एनसेलया कर असुलीबारे सर्वोच्च अदातलं याःगु आदेश खारेज यायेत ख्याच्वः बिउगु दु ।

पार्टीया महासचिव विप्लवं हस्ताक्षर यानातःगु विज्ञप्तिइ सरकारया हे इशाराय् अदालतं ऐनसेलपाखें १८ अर्ब कर असुल यायेम्वाःगु राष्ट्रघाती निर्णय याःगु धासें अदालतया थ्व निर्णय विरुद्ध चरणबद्ध आन्दोलनया ज्याझ्वः घोषणा याःगु दु ।
आन्दोलनया ज्याझ्वः कथं १७ गते न्यायाधीशतय्गु पुत्ला च्याकेगु, १९ गते देय्न्यंकं मसाल जुलुस, २१ गते एनसेलया ज्याकुथी विरोध प्रदर्शन, २३ गते एनसेल ज्याकुथी तालं ग्वयेगु व २६ गते भ्रष्टाचारी– तय्गु पुत्ला दयेकाः हाखः पाकेगु ज्याझ्वः तयातःगु दु ।

उकथं हे प्रेस विज्ञप्तिइ एनसेलपाखें अर्बौं तका घुस नयाः देय्यात ताथ यायेत स्वयाच्वंपिं संसदवादी पार्टी व उकिया मूख्य नेतातय्त नं कारबाही यायेगु निंतिं नं जनतायात आन्दोलनय् कुहां वयेत इनाप यानातःगु दु ।

सम्बन्धित बुखँ

LEAVE YOUR COMMENTS