कोरोनाया कारणं चीनया जीडीपी ७ प्रतिशतं म्हाे

येँ – कोरोना भाइरस (काेभिड-१९)या कारणं विश्वन्यंकया अर्थतन्त्र तसकं प्रभावित जुइगु अनुमान थीथी थासं सार्वजनिक जुइधुंकूगु दु । वहे अनुमान कथं चीनया अर्थतन्त्रय् तीव्र गिरावट जूगु तथ्यांक सार्वजनिक जूगु दु । सन् २०२०या न्हापांगु त्रैमासिकय् चीनया मुक्कं ग्राहस्थ उत्पादन (जीडीपी)इ ६.८ प्रतिशतं म्हो जूगु दु । सन् १९९२ लिपा चीनया अर्थतन्त्रय् थुलि बांमलाक्क धक्का लाःगु थ्वहे न्हापांगु खुसी खः ।

चिनियाँ अधिकारीतय्सं सार्वजनिक याःगु तथ्यांक कथं थुगु दँया न्हापांगु स्वलाया दुने चीनया जीडीपीइ म्हो जूगु दु । सन् २०१९या डिसेम्बरं निसें शुरु जूगु कोरोना भाइसर नियन्त्रण यायेगु चीनया निंतिं आपालं थासय् लकडाउन यायेमाःगुलिं अर्थतन्त्रय् लिच्वः लाकूगु खः ।

छुं ई न्ह्यःनिसें चीनं लकडाउन लगायतया प्रतिवन्ध चीकाः उद्योग व्यवसाय संचालन यायेधुंकूगु दु । तर अझ नं विश्वया थीथी थासय् लकडाउन जुयाच्वंगुलिं चीनयात थःगु सामान विश्व बजारय् थ्यंकेत समस्या जुयाच्वंगु दु ।