चीन विरुद्ध प्रशान्त क्षेत्रया राष्ट

एजेन्सी – चीन विरुद्ध प्रशान्त क्षेत्रया देय् छप्पँ जूगु दु । चीनं हालय् जक प्रशान्त महासागरय् याःगु क्षेप्यास्त्र परीक्षणया विरोधय् प्रशान्त क्षेत्रया राष्ट्र छप्पँ जूगु खः ।

प्रशान्त राष्ट्रय देय्तय्सं चीनं प्रशान्त महासागरय् हालय् याःगु रणनीतिक क्षेप्यास्त्र परीक्षणया विरोधय् मंकाःकथंया विज्ञप्ती जारी यायेगु तयारी याःगु खः । चीनं याःगु क्षेप्यास्त्र परीक्षणयात कयाः अस्ट्रेलिया, न्युजिल्याण्ड, जापान, अमेरिका लगायतया देशं आलोचना याःगु दु । अस्ट्रेलियाया
प्रधानमन्त्री एन्थोनी अल्बानिजं क्षेत्रीय सहमतिया निंतिं वक्तव्यया मस्यौदायात कयाः प्रशान्त टापु फोरमया सदस्य राष्ट्रया दथु सहलह जुयाच्वंगु धाःगु दु ।

ब्रिस्बेनय् पपुवा न्यूगिनी, टोङ्गा, सामोआया नेतातलिसे सुरक्षा वार्ता न्ह्यः प्रधानमन्त्री अल्बानिजं पत्रकार तलिसे खँ ल्हासें प्रशान्त क्षेत्रया देय्तय्सं छगू हे बल्लाःगु सन्दे श बीमाःगु आवश्यक दुगु धाःगु खः ।

चीनं वंगु सोमवाः प्रशान्त महासागरय् नक्कलि वार हेड ज्वनावःगु रणनीतिक क्षेप्यास्त्रया परीक्षण याःगु खः । चीनं उगु परीक्षण अस्ट्रेलिया व फिजी दथुइ न्हूगु रक्षा प्रणाली साझेदारी सम्झौताय् ल्हाःचिं तःगु हे दिं याःगु खः ।