काभ्रे व धादिङय् स्वम्हेसिया र्‍यापिड टेस्ट रिपोर्ट पोजिटिभ

येँ – र्‍यापिड डाइग्नोस्टिक टेस्ट (आरडीटी)पाखें कोरोना भाइरस परीक्षण यायेगु झ्वलय् मंगलवाः काभ्रे व धादिङय् स्वम्हेसिया रिपार्ट पोजिटिभ वःगु दु ।

काभ्रेय् वैदेशिक रोजगारीं वःपिं निम्हसित आरडीटीं याःगु परीक्षणया लिच्वः पोजिटिभ वःगु खः । बेथनाचोक गाँउपालिका व मण्डनदेउपुर नगरपालिकाय् च्वपिं निम्हेसित आः धुलिखेल अस्पतालया आइसोलेसनय् भर्ना याःगु दुसा उमिगु थ्रोट स्वाबया नमुना संकलन याःगु दु ।

बेथनाचोय् च्वम्ह मिजंम्ह चैत ९ गते भारतं लिहांवःगु खःसा मण्डनदेउपुर छेँ जुम्ह चैत ७ गत दुबई नं नेपाः लिहांवःगु खः । निम्ह स्थानीय क्वारेन्टिनय् नीनिन्हु च्वनाः छेँय् लिहांवंपिं खः ।

उखे धादिङय् नं आरडीटी परीक्षण याःगु इलय् ज्वालामुखी अमराई छेँ जुम्ह २७दँया मिजंयात रिपोर्ट पोजिटिभ वःगु दु । उम्ह मिजं दक्षिण कोरियां फागुन २० गते नेपाः लिहांवःगु खः । रिपोर्ट पोजिटिभ वयेवं उम्ह मनूयात धादिङ सदरमुकामया अस्थायी आइसोलेसनय् तःगु दुसा थ्रोट स्वाब संकलन यानाः राष्ट्रिय जनस्वास्थ्य प्रयोगशाला छ्वःगु दु ।

सम्बन्धित बुखँ

LEAVE YOUR COMMENTS