
येँ – वीरगञ्जय् स्वम्ह भारतीय नागरिकयात कोरोनाया संक्रमण जूगु पुष्टि जूगु दु । उमिगु नमुना संकलन यानाः हेटौंडाया प्रयोगशालाय् परीक्षण याःगु इलय् रिपोर्ट शंकास्पद जुइवं हानं परीक्षण यायेगु निंतिं येँया राष्ट्रिय प्रयोगशालाय् हःगु खः । अन स्वम्हेसियां रिपोर्ट पोजेटिभ वःगु खः ।
बिहीवाः छपकैया व घुसुकपुर मस्जिदय् च्वनाच्वंपिं २४म्ह भारतीय धर्म प्रचारकत नारायणी अस्पतालय् स्क्रिनिङया निंतिं वःगु खः । नारायणी अस्पतालं स्वाब लिकयाः परीक्षणया निंतिं हेटौंडाय् छ्वःगु खः । संक्रमित जूम्ह निम्ह उत्तर प्रदेश व छम्ह दिल्ली याःम्ह खः ।
सप्तरीइ जूगु मुस्लिम धार्मिक सभाय् ब्वति कायेत वःपिं स्वम्ह झिंस्वन्हु निसें वीरगञ्जय् च्वनाच्वंगु स्थानीयतय्सं धाःगु दु ।
LEAVE YOUR COMMENTS