ओलम्पिकया न्हूगु मिति सार्वजनिक

येँ – कोरोना भाइरस (कोभिड–१९)या महामारीया कारणं दच्छिया निंतिं लिछ्याःगु टोकियो ओलम्पिकया न्हूगु मिति सार्वजनिक याःगु दु ।

सोमवाः च्वंगु अन्तर्राष्ट्रिय ओलम्पिक्स कमिटी (आइओसी)या मुँज्यां सन् २०२१या जुलाई २३ निसें अगस्त ८ तारिकया न्हूगु मिति घोषणा याःगु खः । सन् २०२१य् जुइगु जूसां थुगु ओलम्पिकयात ‘टोकिया २०२०’ हे धायेगु निर्णय नं उगु मुँज्यां याःगु दु ।

अथेहे सन् २०२०या अगस्त २४ निसें जुइगु धाःगु प्यारा ओलम्पिकया मिति सन् २०२१या अगस्त २४ निसें सेप्टेम्बर ५ तक यायेगु निर्णय याःगु दु ।

(ने. सं. ११४० चौलाथ्व ७/ वि. सं २०७६ चैत १८ मंगलवाः)