नेपालं मलेसियायात ९ विकेटं बुकल

एजेन्सी÷ त्रिकोणात्मक टि–२० सिरिजय् नेपालं मलेसियायात ९ विकेटं बुकूगु दु । टस त्याकाः न्हापालाक ब्याटिङ याःगु नेपालं मलेसियायात १६.५ ओभरय् अलआउट याःगु खः । मलेसियां १६.५ ओभरय् मुक्कं १०९ रन जक दयेकूगु खः । मलेसिया बिउगु ११० रनया लक्ष्य नेपाल छगू विकेटया क्षतिइ पूवंकूगु खः ।

मलेसियायात १०९ रनय् अलआउट यायेगु झ्वलय् किरण केसीं स्वंगू विकेट व सन्दीप लामिछाने निगू विकेट काल । अथेहे सोमपाल कामी, दीपेन्द्र सिंह ऐरी, सहाब अलाम व कुशल मल्लं छगू छगू विकेट काःगु खः । मलेसियाया ओपनर सायेद आलमं सर्वाधिक २७ रन दयेकल ।
मलेसियां बिउगु ११० रनया लक्ष्य नेपालं १२.१ ओभरय् छगू विकेटया क्षतिइ पूवंकल । नेपाःया कुशल भुर्तेलं ६१ रन व आसिफ शेखं ४२ रन दयेकल । कुशल भुर्तेल व आसिफ शेखं १०२ रनया साझेदारी म्हितूगु खः । दीपेन्द्र सिहं ऐरी ६ रन दयेकल ।

नेपाःया सिरिजय् थ्व झ्वःलाक निगूगु विजय खः । नेपालं सिरिजया न्हापांगु कासाय् नेदरल्याण्ड्सयात ९ विकेटं बुकूगु खः । मलेसियाया धाःसा सिरिजय् थ्व झ्वलाक निगूगु पराजय खः । आइतवाः जूगु कासाय् नेदरल्याण्ड्सं मलेसियायात १५ रनं बुकूगु खः।

सम्बन्धित बुखँ

LEAVE YOUR COMMENTS