झिम्हय् सीमित नेदरल्यान्डया बुकाः चेक क्वार्टरफाइनलय्

येँ – झिम्हय् सीमित नेदरल्यान्डस्यात २–० गोलं बुकाः चेक रिपब्लिक युरो कप २०२० या क्वार्टरफाइनलय् थ्यंगु दु । आइतवाः बहनी जूगु कासाय् नेदरल्यान्डस्या डिफेन्डर मिथाइल डेलाइटं बलयात ल्हातं पनेवं ह्याउँगु कार्ड नकूगु खः ।

कासाया ५५ औं मिनेटय् झिम्हय् सीमित जूगु नेदरल्यान्डसयात प्रि क्वार्टरफाइनलं हे पिने छ्वयेगु निंतिं कासाया ६८ औं मिनेटय् थोमस होल्सं छगू गोल यातसा कासाया ८० औं मिनेटय् प्याट्रिक शेकं थप छगू गोल याःगु खः ।
चेक रिपब्लिकं आः क्वार्टरफाइनलय् डेनमार्क लिसे म्हिती ।