सन्दीप आइपिएलय्, दिल्ली डेयरडेविल्सं न्यात

येँ– नेपाःया लेग स्पिनर सन्दीप लामिछानें भारतया लोकंह्वाःगु क्रिकेट धेंंधेंबल्लाः इन्डियन प्रिमियर लिग (आईपीएल)य् म्हितीगु जूगु दु । म्हिगः निसें सुरु जूगु कासामितय् लिलामया झ्वलय् सन्दीपयात थौं दिल्ली डेयरडेविल्सं २० लाख भारुं न्याःगु खः ।

आइएपीएलय् म्हितेत्यंम्ह सन्दीप नेपाःया न्हापांम्ह कासामि खः । आइपीएलया लिलामीइ सन्दीपया नां नं दुथ्यायेवं अस्ट्रेलियाया पुलांम्ह कप्तान माइकल क्लार्कं ट्विट यानाः सन्दीपयात बधाइ बिउगु खः । सन्दीपयात माइकलं हे अस्ट्रेलिया प्रशिक्षण नं बिउगु खः ।

थुगुसीया आइपीएल वइगु ७ अप्रिल निसें २७ मे तक जुइ ।