ने. सं. ११४३ चौलाथ्व पारू -

संघवती गुरुमांया अन्त्येष्टि

येँ (नेपालभाषा टाइम्स)÷मदुम्ह संघवती गुरुमांया म्हिगः थनया कर्णदीपय् थेरवादी बौद्ध संस्कार कथं अन्त्येष्टि जुल । म्हीग ८२ दँया वैंसय् वसपोल थनया धर्मकीर्ति विहारय् मदुगु खः । म्हिगः धर्मकीर्ति विहारंनिसें कर्णदीपय् तक शवयात्रा याःगु खः । उकी आपालं भन्ते, गुरुमां लिसें उपासक–उपासिकापिंसं ब्वति काःगु खः । वसपोल धम्मवती गुरुमांया शिष्य जुयाः ३७ दँ तक धर्मकीर्ति विहारय् सेवा यानाः च्वनाबिज्याःगु खः ।