ने. सं. ११४४ कछलागा तृतीया -

लिच्वः मवयाः विद्यार्थीतय्त समस्या

येँ – थुगुसीया एसईई परीक्षाया नतिजाय् नेपालभाषाया विद्यार्थीतय् लिच्वः गायब जूगुलिं थ्व विषयया विद्यार्थीत विचलित जूगु खँ जगतसुन्दर ब्वनेकुथिया प्रिन्सिपल सुनिता मानन्धरं कनादिल । नेपालभाषाया विद्यार्थीतय्गु लिच्वः अझं पिहां मवःनि ।

थुकिं यानाः थः मस्त छु जुल धकाः सुनां नं न्यन धाःसा लिसः तकं बी मछिन धकाः आपालं अभिभावकत हाः वयाच्वंगु खँ नं वय्कलं कनादिल ।
तर थ्व स्कूलयागु मखुसें परीक्ष नियन्त्रण कार्यालयया गल्ती व थुकिं यानाः मेपिं द्वलंद्वः विद्यार्थीया लिच्वः थानाच्वंगु खँ कँसें प्रिन्सिपल मानन्धरं सकसितं धैर्य यायेत नं इनाप यानादीगु दु ।