ने. सं. ११४६ चाैलागा चर्हे - मातातीर्थ चःह्रे

कोरोना भाइरसं भ्रमण वर्ष प्रभावित

येँ – चीनय् ब्वलंगु कोरोना भाइरसया प्रकोपं नेपाःया भ्रमण वर्ष २०२० प्रभावित जुइगु खतरा खने दया वःगु दु। थ्व भाइरस प्रकोप जुइवं चीनं नेपाः चाःहिउ वइपिं पर्यटकतय् ल्याः स्वात्त कुहां वंगु खँ व्यवसायीतय्सं धाःगु दु। यदि थ्व ल्वय् यात चीनं तुरुन्त नियन्त्रण याये मफुत धाःसा उकिया लिच्वः नेपाःयात प्रत्यक्ष रुपं लाइगु खँ धाःगु दु। नेपाः वइपिं पर्यटकतय् ल्याखय् चीनया सहभागिता अप्वया वनाच्वंगु दु। चीनय् थ्व ल्वचं कयाः ८० म्ह सीधुंकूगु दुसा मेपिं २७०० मनूत प्रभावित जुयाच्वंगु दु ।