नेपालभाषा प्रशिक्षण सहायकया अन्तिम लिच्वः पिदन (नांधलः स्वयादिसँ)
येँ – येँ महानगरपालिकां नेपालभाषा प्रशिक्षण सहायकया निंतिं काःगु परीक्षाया लिच्वः पिदंगु दु । येँ महानगरपालिका दुने लाःगु सामुदायिक स्कुलय् महानगरपालिका लागु याःगु स्थानीय पाठ्यक्रम ब्वंकेगु निंतिं प्रशिक्षण सहायक माग याःगु खः ।
येँ महानगरपालिकाया शिक्षा विभागं मंगलवाः बहनी २०९ म्ह परीक्षार्थीया नां उतीर्ण धलखय् पिकाःगु खः । प्रशिक्षण सहायकया निंतिं ५१६ म्हेसिनं प्रयोगात्मक परीक्षा बिउगु खःसा उकी मध्ये प्यसः व झिंनिम्हेसिया नां अन्तर्वार्ताया निंतिं पिकाःगु खः । आः अन्तर्वार्ताय् उत्तीर्ण जूपि २०९ म्हेसिया नां पितबिउगु खः । २०९ म्ह मध्ये ३७ म्ह बैकल्पिकय् लाःगु दु । महानगरपालिकां १७२ म्ह सहायक प्रशिक्षक माग याःगु खः ।
शिक्षा विभागं नां पिहां वःपिंत स्वन्हुया दुने नगरपालिकाय् स्वापू तयेत धाःगु दुसा थ्व हे २९ गते निसें न्हय्न्हुयंकंया तालिम बीगु जूगु दु । तालिमय् उपस्थित जुइमफुपिंत नां धलखं लिकायेगु खँ धाःगु दु । उत्तीर्ण जूपिंत दछिया करार सम्झौता यानाः येँ महानगर दुने लाःगु सामुदायिक स्कुलय् खटे याना छ्वइगु जूगु दु ।
LEAVE YOUR COMMENTS