ज्यापु दिवसया लसताय् सुकुन्दा र्याली
येँ (नेपालभाषा टाइम्स)÷ नीछक्वःगु ज्यापु दिवसया प्रचारप्रसारया निंतिं सुकुन्दा र्याली जुल । थुगुसीया ज्यापु दिवसया संयोजक त्वाः श्री नाथेश्वर छुट गुथि वचुघः वटु त्वाः, ल्याय्म्ह धिमे पुचः व वतु नाथेश्वर मिसा पुचःया ग्वसालय् वंगु शुक्रवाः सुकुन्दा र्याली जूगु खः ।
येँ महानगरपालिकाया उपमेयर सुनिता डंगोल मूपाहाँ कथं झायादीगु र्याली वतु नास द्यःछेँ पाखें सुरु जुयाः न्हूसतक, लुँहिति, खेचापुखू, ओमबहाः, यंगाः, लगं, गोफः, ब्रम्हत्वाः, वन्दे, ह्युमत, कोहिति, भिंद्यःत्वाः, मरु, प्याफः, यटखा, न्यत, त्यंगः, थाय्मदु, वलाछि, असं, वंघः जुयाः हाकनं वतुइ हे थ्यंकाः क्वचायेकूगु खः ।
दँय्दसं यःमरि पुन्हि कुन्हु ज्यापु दिवस थुगुसी मंसिर ३० गते आइतवाः लाः । थुकुन्हु प्रधानमन्त्ती केपी ओलीया उपस्थितिइ मू स मारोह जुइ ।
LEAVE YOUR COMMENTS