पशुपतिइ अवैध संरचना चिइकेत अल्टिमेटम

येँ – पशुपति क्षेत्र दुने दयेकातःगु अवैध संरचना चीकेगु निंतिं पशुपति विकास कोषं न्हय्न्हुया अल्टिमेटम बिउगु दु ।
पशुपति क्षेत्र दुने चकंगु ख्यः, कैलाशडाँडा, मृगस्थली, गोरखनाथ क्षेत्र, वन गणेश, पञ्चदेवल वृद्धाश्रम, भकुन्डोल क्षेत्रय् अव्यवस्थित रुपं बल्चा दयेकाः अतिक्रमण यानाः व्यवसाय याना वयाच्वंगु दु ।

पशुपति क्षेत्र दुने छुं नं कथंया संरचना दयेकेगु निंतिं कोषया अनुमति माः । तर अन अतिक्रमण याना वयाच्वंपिसं छुं नं कथंया अनुमति कयामतःगु खँ कोषं धाःगु दु । कोषया अनुमति मकाःसे दयेकातःगु संरचनां पशुपति क्षेत्र दुनेया सौन्दर्यताय् लिच्वः लाकूगु, भक्तजन, तीर्थ यात्री व पर्यटक वये–वनेत तकं पंगः थनाच्वंगुलिं उकियात चीकेगु खँ कोषं धाःगु दु ।

उकथं हे पशुपति क्षेत्र पिने अतिक्रमण यानाः दयेका तःगु संरचना चीकेत नं कोषं निर्देशन बिउगु दु । पशुपति क्षेत्र पिने नं निजी क्षेत्रं अतिक्रमण यानाः टहरा दयेकाः च्वनाच्वंगु दु । वइगु माघ ७ गते दुने उगु संरचना चीकेत कोषं निर्देशन बिउगु दु । यदि सम्बन्धित मनूतय्सं मचीकल धाःसा कोषं थम्हं हे चीकेगु ख्याच्वः नं बिउगु दु ।

कोषं बिउगु निर्देशनय् धयातःगु दु, ‘थःथःगु छेँ टहरा जग्गाया क्षेत्रफल स्वयां पिने मापदण्ड अःखः मू सतक व सहायक सतकय् न्यासि वनीपिं यात्रुयात लिच्वः लाइ कथं तयातःगु छेँ टहरा मचिकल धाःसा प्रचलित कानुनया अधिनय् च्वनाः कोष थम्हं थुनेत बाध्य जुइ ।’

सम्बन्धित बुखँ

LEAVE YOUR COMMENTS