‘राष्ट्रपति चुनाव लिपा न्हूगु कोर्स’
येँ (नेपालभाषा टाइम्स)- नेकपा (एस) या अध्यक्ष माधव नेपालं राष्ट्रपति निर्वाचन लिपा देय्या राजनीतिं गुगु कोर्स काइ धाये थाकु धयादीगु दु । । म्हिगः पार्टीया विद्यार्थी संगठनया स्थायी कमिटीया बैठक उलेज्या यासें वय्कलं उगु खँ धयादीगु खः ।
लिसें वय्कलं आःया सत्तारुढ गठबन्धन गुगुं नं इलय् त्वाःदले फइगु दाबी नं यानादीगु दु । वय्कलं रवि लामिछाने नेतृत्वया राष्ट्रिय स्वतन्त्र पार्टीया कारणं सत्ता गठबन्धन त्वाःदले फइगु अवस्थाय् थ्यंगु खँ धयादीगु खः ।
सम्बोधनया झ्वलय् अध्यक्ष नेपालं धयादिल, ‘आःया गठबन्धनय् राजतन्त्रयात हाकनं हयेमाः धकाः धाइपिं नं दु, प्रतिगामीत नं दु, संघीयता विरोधी नं दु, अले वामपन्थीत नं दु, संविधान विरोधत नं दु, संविधानया रक्षकपिं नं दु, थ्व स्वयां न्ह्यःया गठबन्धन गज्याःगु दुगु खः ? कांग्रेस दुगु खः संविधानया पक्षय् दनिगु, वामपन्थी दुगु खः, गणतन्त्रया पक्षय् दनिगु, थुकथं वाम व लोकतान्त्रिक गठबन्धन दुगु खः ।’
LEAVE YOUR COMMENTS