ने. सं. ११४६ बछलाथ्व पञ्चमी - दयावीरसिं बुदिं

‘बागमति’यात क्रान्तिकारी माओवादीया विरोध

येँ – प्रदेश ३ या नां बागमति तःगुयात नेकपा मोहन वैद्य समर्थित नेकपा (क्रान्तिकारी माओवादीं) विरोध याःगु दु। उगु पार्टीया प्रदेश ३ सेक्रेटरी क. प्रवेशं थन छगू वक्तव्य जारी यासें थ्व प्रदेशय् च्वंपिं नेवाः व तामाङ जातिया पहिचान रक्षाया लागिं प्रदेशया नां ‘नेवाः-ताम्सालिङ’ तयेत नं माग यानादीगु दु। थ्वहे झ्वलय् प्रहरीं प्रतिबन्धित ‘विप्लव’ पुचःया निम्ह कार्यकर्तायात यलं ज्वंगु दु। ज्वंपिं यल जिल्ला सचिव रमेश डंगोल व युवा भातृ संगठनया जिल्ला कार्यवाहक अध्यक्ष संजोग धइम्ह शान्तमान तामाङ खः । ज्वंपिं निम्हेसिया बारे थप अनुसन्धान जुयाच्वंगु खँ प्रहरीं धाःगु दु ।