सीके दुसा ज्यू !

थौंकन्हय् । यौन हिंसा, यौन अपराध तसकं हे चर्चाया विषय जुयाच्वंगु दु । यौन हिंसा धायेबलय् सामान्यतयाः नारीप्रति जुइगु यौन हिंसाया अर्थ जुइ । तर यौन हिंसाया अर्थ नारी प्रति जुइगु हिंसा हे जुइ धइगु मदु । यौनया दृष्टिं मिसातसें मिजंत प्रति जुइगु यौन हिंसा नं यौन हिंसा हे जुइ । तर नारी प्रति जुइगु यौन हिंसा तुलनात्मक रुपं अप्वः खनेदइ । उकिं उकियात कयाः अप्वm सम्वेदनशील जुइगु स्वाभाविक खः ।

मिसातसंं मिजंत प्रति यौन हिंसा याः धयागु बुखँत गुबलें गुबलें जक न्यने दइ । थौंकन्हय् यौन हिंसाया परिभाषा नं चकना वयाच्वंगु दु । बलात्कार थज्याःगु जघन्य अपराधयात हे जक यौन अपराध खंके मयाः थों । मिसातय्त असाधारण मनस्थितिं त्वाल्ल स्वयाच्वनेगु, छेडछाड यानाः हायेकेगुयात नं यौन हिंसा कथं हे काइ । बसय्, सार्वजनिक स्थलय् मिसातय्त अशोभनिय टिकाटिप्पाी याइपिं पुरुषतय्त नं यौन अपराध िहे खंकी । बसय् मिस्तय् म्हय् प्यप्यपुनेत स्वयेगु, हूलमूलया मौकाय् मिसातय् सम्वेदनशील अंगय् मिखा तयेगु नं थयौनिक कुनियत जुइ ।

 

थों थज्याःगु यौनिक कुनियतपाखें नारीवर्ग सुरक्षित जुइ दयेमाः । प्यखेरं नारीवर्ग दथुइ सचेतना दना वयेधुंकूगु दु । सतर्कता ब्वलने धुंकूगु दु । म्हिगःया पुरुषप्रधान समाजय् मिसातय् शरीरयात मिजंतसें उपभोग्य वस्तु कथं जक खंकी । थःगु शरीरिप्रतिया अधिकार, स्वतन्त्रता नारीपिंके दइमखु । मिसातसें विवाह याइ । विवाह धइगु हे मिसां थःगु शरीर मिजंयात भोग बीगु थें जुइ पुलांगु पितृ प्रधान समाजय् । तर नारी जाति थौं थःगु शरीर प्रतिया अधिकार, स्वामित्व, स्वतन्त्रता प्रति गाक्क सचेत जुइधुंकूगु दु । थौं स्वयं भाःतपिंसं नं काःपिनि इच्छाविपरीत थी दइमखु । कलापिनि पूर्व स्वीकृति बिनाः भाःतपिंसं छ्यलीगु स्पर्श अवैध जुइ । यौनिक अपराध जुइ । पतिदेवपिं थौं होसियार जुइमाले धुंकूगु दु ।

थन छखेर स्पर्शप्रति होसियार, सतर्क जुइ माःगु परिस्थिति ब्वलना व याच्वंगु दुसा मेखे पश्चिमी प्रभावया लिच्वः कथं मनूत नापलाइबलय् ल्हाः मिले यायेगु, घय् घय् पुइगु चलन नं वृद्धि जुयाः वयाच्वंगु दु । थौं कन्हय् मिजंमिसात नापलाइबलय् आभिवादन कथं ल्हाः ज्वनेगु, हग यानाः न्यता ल्वाकीपिं दु । आधुनिकतां थ्यूपिं भाजु मय्जुपिनि पुचलय् थ्व चलन थौं सामान्य जुइ । पुलांगु संस्कार दुपिंत ला थज्याःगु लु, दृश्यं म्ह हे जिरिङ्ग यानाबी । झीगु संस्कृतिइ नापलाइबलय् नमस्कार याइ । अनि याइ, भागी याइ । अभिवादनया नामं स्पर्शया आदानप्रदान यायेम्वाः । माली मखु ।

अभिवादनया आधुनिक शैली कथं छ्यला हयाच्वंगु हग, ह्याण्डसेकयात यौनिक शोषणया शंकाया घेराय् तयाः हग यायेबल् फिलिङ्ग पिज्वयेके दइमखु धकाः नारीवादीतसें सः थ्वयेका च्वंगु दु । थज्याःगु विपरीत लिङ्गीय मित्रतय् दथुइ जुइगु चलनं नारी शरीरया दुरुपयोग जुइफु ।

थौंकन्हय्या स्वास्थ्य विज्ञानं नमस्कार व भागी यायेगुयात वैज्ञानिक खंका हयाचवंगु दु । नमस्कार यायेबलय् स्पर्शया आदान प्रदान जुइमखु । याये म्वाः । ल्हाः मिले यायेबलय् जुइफइगु ल्वय्या संक्रमणया खतरा नमस्कार, भागी यायेगु अभिवादनय् दइमखु । नकतिनि हे छगू पत्रिकाय् छथ्वः नारीवादीतय् बिचाः ब्वने । मिसा, मिजंत दथुइ अभिवादनया रुपय् ‘हग’ यायेगु अथवा घय्पुइबलय् सामान्य हय याये दइ, तर फिलिङ्ग प्रदर्शन याये दइमखु । अथेहे ल्हाः मिले यायेबलय् ल्हाः निपा स्वाःसां अन मिसा मिजंया फिलिङ्ग पिज्वये दइमखु । अज्याःगु फिलिङ्ग प्रदर्शन यौनिक शोषण जुइ । वयात सम्बन्धित सहभागी पक्षं क्वत्यले माः । थुकिं स्पष्ट याइ ह्याण्डसेक व हग प्रति नं यौन शोषणया गन्ध पिहां वयेफु । नारीवादीतसें शंका प्वंकाः हइ, अभिवादनया आधुनिक शैली कथं छ्यला हयाच्वंगु हग, ह्याण्डसेकयात यौनिक शोषणया शंकाया घेराय् तयाः हग यायेबल् फिलिङ्ग पिज्वयेके दइमखु धकाः नारीवादीतसें सः थ्वयेका च्वंगु दु । थज्याःगु विपरीत लिङ्गीय मित्रतय् दथुइ जुइगु चलनं नारी शरीरया दुरुपयोग जुइफु । पनेमाः । उमिसं धाइगु न्यनातयागु छता खँ न्ह्यथने थन सान्दर्भिक जुइ ।

छम्ह प्रसिद्धि लेखकं साहित्यकार । वयाके खँ ल्हायेगु कला दु । वं सकसितं मोहित यायेफु । वयागु खँ न्यनीपिं फुक्क लठ्ठ जुइ । मिजंत जुइब्यू वा मिसात । मिसात पुचलं नं व उतिकं प्रख्यात । खँल्हाबल्हां व लेखकजुं मिसा मस्तय्त तालसुरय् लाकाः म्ह्य्, जन्फातय् दाइ । थी । ख्याः याये थें धाइ, ‘ छ ला जि केहेँ बराबर ।’ केहेँ धाइबलय् मय्जुपिंसं छुं धाये फइमखु । अःखः मख्ख जुइ । केहेँ बरोबर, म्ह्याय् बरोबर धाधां ल्यासेपिं मय्जुपिंत पातपुत दायाः ख्याः याइपिं दु । छगू मेगु घटना । छकः छगू पार्टीइ डान्स चर्के जुल । छम्ह भाजुं छम्ह मय्जुयात साला हयाः प्याखं ल्हुइकेत स्वइ । मय्जु जिल्ल जुइ । लिपा भाजुं मय्जुयाके क्षमा फ्वनी । ‘छि जि मां बरोबर, उकिं जिके पाप मत्ती मदु ।’

मां बरोबर, केहेँ बरोबरया खेल तयाः छ्यलीगु स्पर्शयात थौं नारीवादीतसें गुकथं अर्थ छ्याइ ? न्यनये दुसा जिउ । अथेहे मिसा, मिजं मित्रत दथुइ हग यायेज्यू, तर यौनिक फिलिङ्ग मवयेकाः– नारीवादीतय्सं धाइ । यौनिक फिलिङ्ग दु मदु सीकेगु यन्त्र गज्याःगु जुइ । सिइके दःसा जिउ ।

सम्बन्धित बुखँ

LEAVE YOUR COMMENTS