व्यवसायी शंकरलाल अग्रवालयात हाकनं ज्वन

येँ (नेपालभाषा टाइम्स) – व्यवसायी शंकरलाल अग्रवालयात प्रहरीं ज्वंगु दु । अग्रवालयात म्हिगः डिल्लीबजारं ज्वंगु खँ केन्द्रीय अनुसन्धान ब्युरो (सीआईबी) या एसएसपी अनुपम शमशेर जबरां कनादीगु दु । एसपी जबराया कथं अग्रवाल बैंकिङ कसुर सम्बन्धी मुद्दाय् फरार जुयाच्वंगु खः । अग्रवाल व्यावसायिक घराना शंकर ग्रुपया अध्यक्ष खः । सीआईबीं अनुसन्धान याःगु त्यासा दुरुपयोग सम्बन्धी मुद्दा उच्च अदालत यलय् विचाराधीन जुयाच्वंगु दु । सीआईबीं अग्रवालयात उच्च अदालतय् उपस्थित याकीगु जूगु दु । अग्रवालयात थ्व स्वयां न्ह्यः २०८२ चैतय् सम्पत्ति शुद्धिकरण सम्बन्धी कसुरय् ज्वंगु खःसा अदालतया आदेशं त्वःतूगु खः ।