अझ हे च्वापु वागाइगु सम्भावना

येँ – पश्चिमी वायुया प्रभावं देय्या अधिकांश थासय् बदली व वर्षा लिसें हिमाली भेगय् अझ नं च्वापु वागाइगु तक सम्भावना दुगु खँ मौसम पूर्वानुमान महाशाखं धाःगु दु । वइगु स्वन्हुया मौसम पूर्वानुमान सम्बन्धी विज्ञप्ति जारी यासें देय्न्यंकं सामान्य निसें आंशिक बदली जुयाः पूर्वी व मध्य क्षेत्रया छुं थासय् हल्का वर्ष व हिमाली भेगय् च्वापु हे वागाइगु सम्भावना अप्वइगु खँ धाःगु दु ।

देय्या पश्चिमी भेगं दुहां वःगु पश्चिमी वायुया प्रभाव मध्य जुयाः पूर्वतर्फ वनाच्वंगुलिं थनिंनिसें मौसम सुधार जुइगु खँ विभागं धाःगु दु । तर पहाडी भेगय् धाःसा आंशिक वा सामान्य बदली जुइ फइगु खँ धाःगु दु । स्वनिगलय् म्हिगः तापक्रम स्थिर दुसां नं सुथंनिसें खसु वयाच्वंगुलिं यानाः अप्वः चिकूगु खँ धाःगु दु ।

म्हिगः येँया न्युनतम तापक्रम ७.८ व अधिकतम तापक्रम १८ डिग्री सेल्सियस दुगु खः ।स्वनिगलय् समेत तापक्रम कुहां वयाः वंगु छुं न्हि न्ह्यवंनिसें स्वनिगःया थीथी च्वकाय् च्वापु वागायाच्वंगु खः । लिसें म्हिगः नं स्वनिगलय् न्हिछि वा वयाः स्थानीय जनताया दैनिक जीवन तकं प्रभावित जूगु खः । तसकं चिकुसे च्वंगुलिं थाय् थासय् मि च्याकाः क्वाकेगु ज्या जुयाच्वंगु खनेदु ।

सम्बन्धित बुखँ

LEAVE YOUR COMMENTS