ओलीया पक्षय् जुजुवादी वकिलत

बारया पुलांपिं अध्यक्षतय्गु नं मंकाः वक्तव्यया तयारी

येँ (नेपालभाषा टाइम्स) – संसद विघटन सम्बन्धी मुद्दाय् आः नियमित वहस शुरु जुइगु जूगु दु। थ्व वहसय् प्रम ओली विरुद्ध न्ववाइपिं वरिष्ठ अधिवक्तात ग्वाःग्वाः दुसां ओलीया पक्षय् न्ववाइपिं वकिलत धाःसा मदयाः जुजुवादी वकिलतय्त ‘हायर’ यायेमाःगु अवस्था वःगु दु। ओलीया पक्षय्व हस याइपिं वरिष्ठ वकिलत मध्ये सुशील पन्त दकलय् न्ह्यःने लानाच्वंगु दु। पन्तं छकः वहस याइबलय् निगू लाख तका कायेगु यानाच्वंगु दु। वय्कःया वहस शुल्क शुरुवाती वहसय् ६ लाख तका व वयां लिपा प्रत्येक वहसय् २ लाख तका जुइगु खँ धाःगु दु ।

थ्वहे झ्वलय् प्रमपाखें याःगु संसद विघटनया ज्या गैर संवैधानिक खः धकाः आः नेपाल बार एशोसियसनया पुलांपिं अध्यक्षतय्सं नं मंकाः वक्तव्य पिकायेगु तयारी यानाच्वंगु खँ सीदुगु दु। छुं ई न्ह्यः तिनि पुलांपिं प्रधानन्यायाधीशतय्सं मंकाः वक्तव्य पिकयाः संसद विघटनया विरोध याःगु खः । आः बारया पुलांपिं अध्यक्षपिं विश्वकान्त मैनाली, सर्वज्ञरत्न तुलाधर, सिन्धुनाथ प्याकुर्‍याल, शम्भु थापा आदिपिंसं मंकाः वक्तव्य पिकयाः विघटनया विरोध यायेत्यंगु खँ सूत्रं धाःगु दु ।

थ्वहे झ्वलय् विघटनसम्बन्धी थ्व मुद्दा बृहत् इजलाशय् मयंकुसे संवैधानिक इजलाशं हे स्वःसां गाः धइगु फैसलां विरोधीतय् नुगः ख्वाउँका बिउगु दु ।

सम्बन्धित बुखँ

LEAVE YOUR COMMENTS