नेपाल लाइफं ७० प्रतिशत लाभांश बीगु
येँ – नेपाल लाइफ इन्स्यारेन्सं ७० प्रतिशत लाभांश बीगु जूगु दु । कम्पनीं आर्थिक दँ २०७३÷७४ या नाफापाखें ७०.५३ प्रतिशत लाभांश बीत्यंगु खः । कम्पनीं थुकियात बोनस शेयर व नगद लाभासं निगुलिइ ब्वथलाः बीत्यंगु खः । थुकिया निंतिं ४२ प्रतिशत बोनस शेयर व थुकी लगे जुइगु कर सहित २८.५३ प्रतिशत नगद लाभांश बीत्यंगु खः ।
कम्पनीया संचालक समितिं निर्णय यायेधुंकूगु थ्व लाभंस आः साधारण सभा व बीमा समितिपाखें पारित याके ल्यं दनि । नेपाल लाइफं वंगु आर्थिक दँय् ४१ करोड दां लबः नयेत ताःलाःगु खः । कम्पनीं थगुने हे एफपिओ नं पिथनेधुंकूगु दु । कम्पनीया चुक्ता पुँजी आः ३ अर्ब ९ करोड थ्यनाच्वंगु दुसा जगेडा कोषय् ५ अर्ब ल्यनाच्वंगु दनि ।
LEAVE YOUR COMMENTS