न्हूगु सिलिन्डर मिल धाःसा कारवाही

येँ – ग्याँसया न्हूगु सिलिन्डर मीगुली सरकारं प्रतिबन्ध तःगु दु । ग्यास डिपोतय्सं न्हूगु सिलिन्डर मिल धाःसा डिपो खारेज यायेगु लिसें डिपो सञ्चालकयात कारबाही यायेगु खँ सरकारं धाःगु दु । सरकारया निर्देशन लिपा ग्यास डिपोतय्सं न्हूगु सिलिन्डर मीगु बन्द याःगु दु । भुखाय् ब्वयेधुंकाः भारतं नेपाःयात नाकाबन्दी तःगु इलय् आपालं ग्यास डिपों न्हूगु सिलिन्डर मिउगुलिं आः नं अथे हे याइ धकाः सरकारं न्हूगु सिलिन्डर हे मी मदइगु नियम हःगु खः ।

थौंकन्हय् ग्यास डिपोय् गुलि ग्यास वयाच्वंगु दु व गुलि ग्यास न्हिं खपत जुयाच्वंगु दु धइगु अनुगमन नं प्रहरीं यानाच्वंगु दु ।
व्यापारीतय्सं धाःकथं ग्यासया अभाव मदुसां नं नेपालय् न्यना वनाच्वंगु थीथी हल्लां यानाः मनूतय्सं आवश्यक मजूसां नं ग्यास मुंकेगु याना हःगुलिं बजारय् ग्यासया लाइन च्वनेमाःगु खः । ग्याँस अझ अप्वः स्टकय् तयेगु लागिं मनूत पसलय् वनाः न्हूगु सिलिन्डर माल धाः वनाच्वंगु दुसां व्यापारीतय्सं न्हूगु सिलिण्डर मीगु धाःसा यानाच्वंगु मदु ।

मेखे आयल निगमं माक्व ग्यासया स्टक दु धयाच्वंसां न्हिथं भारतं ग्यास आयात नं जुयाच्वंगु दु । ग्यासया लिसें बजारय् चि व चिकंया स्टक तइपिं नं अप्वया वनाच्वंगु दु । उकथं हे पेट्रोलियम पदार्थ भण्डारण याइगु क्रम नं अप्वःगु खँ सीदुगु दु । अनावश्यक रुपं उपभोक्तां भण्डारण शुरु याःगु कारणं बजारय् थीथी सामानया अभाव जूगु खँ व्यापारीतय्सं धाःगु दु ।

सम्बन्धित बुखँ

LEAVE YOUR COMMENTS