सुरेश शाक्यया बाखं सफू पिदन

येँ (नेपालभाषा टाइम्स) – बाखं च्वमि सुरेश शाक्य ‘लप्ते’ या बाखं मुना सफू ‘किचलं दाःगु भाग्य’ या पितब्वज्या जूगु दु । येँ महानगरपालिकां न्ह्याका वयाच्वंगु मेट्रो एफएमया नेपालभाषा ज्याझ्वलय् सफूया पितब्वज्या याःगु खः ।

मेट्रो एफएमय् सोमवाःपतिकं न्ह्यनाच्वंगु ‘साहित्य ख्यः’ ज्याझ्वलय् साहित्यकार शरद कसाः नं सफूया पितब्वज्या यानादीगु खः । सफूया पितब्वज्या यासें वय्कलं समीक्षा नं यानादीगु खःसा बाखनय् दयेमाःगु थीथी पक्षयात कयाः नं नुगःखँ प्वंकादीगु खः । पितब्वज्या जूगु सफुतिइ च्वमि शाक्यया इलय् व्यलय् पिहां वःगु व न्हूगु यानाः झिंखुपु बाखं दुथ्यानाच्वंगु दु ।

सम्बन्धित बुखँ

LEAVE YOUR COMMENTS