माउरिन्हो टोट्नह्यामया प्रशिक्षक नियुक्त

जोसे माउरिन्हो टोट्नह्यामया प्रशिक्षक नियुक्ती जूगु दु । नियमित प्रशिक्षक माउरिसिओ पोचेटिनोयात बर्खास्त यासें टोट्नह्यामं माउरिन्होयात हःगु खः । चेल्सी व म्यानचेस्टर युनाइटेडया पुलांम्ह प्रशिक्षक माउरिन्हों २०२२–२३ या सिजनतकया निंतिं सम्झौता याःगु खः । सम्झौता लिपा माउरिन्हों धाःगु दु, ‘टोटनह्यामया टिम व एकेदेमिं जितः आकर्षित याःगु दु ।

थ्व टिम नाप ज्या यायेत तसकं आकर्षित याःगु दु ।’नियमित प्रशिक्षक पोचेटिनों थुगुसीया सिजनय् बांलाक प्रदर्शन याये मफयेवं वयात बर्खास्त यासें माउरिन्होयात हःगु खः । टोटनह्याम थ्व सिजनय् प्रिमियर लिगया झिंप्यंगूगु थासय् लानाच्वंगु दु । तर पोचेटिनोया हे प्रशिक्षणय् टोटनह्याम वंगु सिजनया च्याम्पियन्स लिगया फाइनल तक थ्यंगु खः ।

तर उबलय् लिभरपुलपाखें २–० गोलं बुइवं उपाधी पाखें बञ्चित जुइमाल । माउरिन्होया प्रदर्शन खास हे बांलानाच्वंगु मदु । थगुने जक वयात नं म्यानचेस्टर युनाइटेडं बर्खास्त याना हःगु खः । तर माउरिन्हों थ्वयां न्ह्यः चेल्सी, एफसी पोर्टो, रियल म्याड्रिड व इन्टर मिलानयात लिग उपाधी त्याका बीधुंकूगु दु ।