महानगर दुने सार्वजनिक थासय् फ्वने गुलिइ पूर्ण निषेध
येँ (ने पालभाषा टाइम्स) – येँ महानगरपालिकां सार्वजनिक थासय् फ्वने गुलिइ पूर्णरुपं निषेध याःगु दु । महानगर पालिकां थःगु भौगोलिक क्षेत्राधिकार दुने लाःगु सार्वजनिक थासय् च्वनाः फ्वनीपिंत पूर्णरुपं निषे ध याःगु खः ।
बेसहारा, अशक्त, असहाय, अभिभावकविहीन, सतकय् आश्रित जुयाच्वंपिं गुपिंसं थःगु सुसाःकुसाः थम्हं यायेमफु, सुसाःकुसाः व स्याहार सुसारया निंतिं थःथिति सुं मदुपिं नयेत नसाज्वलं मदुपिं, न्यायेत ध्यबा मदुपिं, म्हं मफुसा वासः यायेत मफुपिं, वासः न्यायेत ध्यबा मदुपिं अज्याःपिंत सुसाःकुसाः, वासःतासः व लहीगु निंतिं महानगरपालिकां मानवसे वा आश्रमलिसेया सहकार्यय् उचित व्यवस्थापन याइगु जूगु दु ।थुकथं फ्वनेगु व फ्वनाः नयेगु पेशा यानाच्वंपिंत अज्याःगु ज्या याये गुलिइ पूर्ण निषेध याःगु दु ।
येँ महानगरपालिकाया प्रवक्तालिसें १७ वडाअध्यक्ष नविन मानन्धर छगू पत्रकार भेटघाट ज्याझ्वलय् थ्व अभियानयात एकद्वार प्रणालीपाखें दिगो रुपं बांलाःगु लिच्वः वइकथं न्ह्याके गु जानकारी बियादीगु दु ।
थ्वहे झ्वलय् येँ महानगपालिकां सार्वजनिक थासय् वनाः मानव सहयोगापेक्षीत मालेगु व व्यवस्थापन यायेगु ज्यायात तीव्रता बिया हःगु दु । येँ महानगरपालिकाया कार्यवाहक प्रमुख सुनिता डंगोल स्वयम थः हे उद्धार या ज्याय् सक्रिय जुयादीगु दु ।
येँ महानगर क्षेत्र दुने बे सहारा, अशक्त, असहाय, अभिभावकविहीन, सतकय् आश्रित मनूया अवस्था व आवश्यकता थुइकेगु ल्याखं कार्यवाहक प्रमुख डंगोल थः हे उद्धारया ज्याय् झायादीगु खः ।
उद्धार या झ्वलय् येँ मनपा १५ वडा स्वयम्भू स्थित कारखाना चोकपाखें झिंनिम्हेसित उद्धार याःगु दु । उद्धार याःपिं निम्ह मिसा, च्याम्ह मिजं व निम्ह मस्त खः ।
२०७४ मंसिर १ गते निसें येँ महानगरपालिकां आश्रमलिसे सम्झौता यानाः सतक सहयोगापेक्षीतय् व्यवस्थापन यानावयाच्वंगु खःसा लिपांगु इलय् महानगरपालिकां हे थुकियात तीव्रता बियाहःगु खः ।
LEAVE YOUR COMMENTS