बार्सिलोना न्हापांगु कासाय् पराजित

एथलेटिको बिलबाओया स्वीच्यादँ दुम्ह भेट्रान स्ट्राइकर अरिटे्ज अडुरिजं अन्तिम इलय् याःगु छगू गोलं ला लिगा च्याम्पियन बार्सिलोनां न्हूगु सिजनया न्हापांगु कासाय् पराजय फयेमाःगु दु । सब्स्टिच्यूटय् वःम्ह अडुरिजं कासाया ८९ मिनेटय् एथलेटिकोया निंतिं छगू जक विजयी गोल याःगु खः ।

थःगु न्हापांगु कासाय् बार्सा चोटग्रस्ट कप्तान लियोनल मेसी बिना मैदानय् कुहां वःगु खः । बार्साय् नकतिनि १०७ मिलियन पाउण्डं दुहां वःम्ह फ्रेञ्च कासामि एन्टोन ग्रिजम्यान लिसें लुइस स्वारेज, राफिन्हां धाःसा बार्साया निंतिं छुं विषेश याना क्यनेमफयेवं न्हापांगु कासाय् पराजय फयेमाःगु खः ।

बार्साविरुद्ध गोल याःम्ह अडुरिजं ला लिगाया झिंन्यागू सिजनय् गोल याःम्ह मेस्सी धुंकाः छम्हयां छम्ह जक कासामि खः । अडुरिजया थ्व गोल लिपा बिलबाओया समर्थकतय्सं वयात दनाः सलाम याःगु खः ।