सूर्यमाया बुद्धाचार्य सम्मान जुनु बासुकलायात

ख्वप – श्री महामञ्जुश्री गुथिं दँय्दसं बीगु याना वयाच्वंगु सूर्यमाया बुद्धाचार्य स्मृति सम्मान डा. जुनु बासुकला रंजितकारयात लःल्हाःगु दु ।
थनया चाँगुनारायण नगरपालिकाया महामण्डप थाकलमाथस्थित ल्हापापाक्व ससुमां देगःया वार्षिकोत्सवया लसताय् देगः परिसरय् हे जूगु ज्याझ्वलय् नेपाःया बौद्ध अध्यय क्षेत्रया अध्यापक लिसें अनुसन्धाता वय्कःयात सम्मानलिसें नगद सिरपाः नं लःल्हाःगु खः ।

ज्याझ्वःया मूपाहां पुलांम्ह मन्त्रीलिसें बौद्धविद्वान डा. केशवमान शाक्यं सम्मानपत्रलिसें झिद्वः व छतका दांया उगु सिरपाः लःल्हानादीगु खः ।
ख्वपया बौद्ध विद्वान पद्मसुन्दर शाक्यं थः मांया नामय् उगु सिरपाः नीस्वनादीगु खः । हर्षरत्न शाक्यया सभापतित्वय् जूगु ज्याझ्वलय् ख्वपया स्वंगू विद्यालयया च्याम्ह विद्यार्थीयात निद्वः तका दांलिसें छात्रवृत्ति नं लःल्हाःगु खः ।

सम्बन्धित बुखँ

LEAVE YOUR COMMENTS